| 新一年係時候要打下xanga, 回顧又好展望下又好
之前睇電視2007乜乜回顧, 有種感覺: 乜呢d野係發生係今年嫁咩? 好似好遙遠咁, 但其實諗返發生係自己身上既事, 又何嘗唔係咁遙遠, 究竟係時間過得太慢定係人老左記得d野唔太清楚
睇黎都係因為我老左, 因為除左某d情況外, 我從來都唔覺得時間過得慢, 唔好話一年, 3年都係眨下眼就過左,
就黎會真正離開校園, 出黎做野, 即將要踏足一個陌生而現實的社會, 永遠都唔會有機會過返學生既生活, 呢種心情...真係唔知點講, 應該係十分惶恐, 而且對前途比較憂慮
不過我諗識憂慮都未算差得曬, 起碼開始識得為未來打算下咁
其實好多野擔心都擔心唔黎, "船到橋頭自己直"嘛, so just
let it be~
以前會好想把一年間發生既事寫低, 不過因為懶所以冇寫, 今年要開始, 我諗以後睇返會好好笑, 同埋一定會覺得自己好低b, 但亦可能會從中發現自己既改變, 而有所得著咁
開始啦
2007年對我黎講都幾重要, 因為經歷左人生好多個第一次, 唔好諗衰野, 好似第一次拎4院賽冠軍, 第一次睇eason演唱會, 第一次嬴宿聯, 第一次part exchange roommate, 第一次同內地生part project仲要係final year project, 第一次講好大既大話(但最後被人拆穿), 第一次參加學長計劃同d名人近距離傾計, 第一次feel到搵工既無奈, 第一次見人醉到入廠...等等件件都令我非常難忘, 當然有d冇係度講既都對我的人生十分重要, 我只希望將今年以黎發生過既好野全部都記住, 記係邊都好, 到有一日拎返出黎, 睇完, 會笑會開心
我覺得自己係呢一年改變左好多, 當中既改變有好...有唔好, 亦都有d唔知係好定唔好
改變的原因可能係接觸d人唔同左, 分享左人地既諗法; 又可能係自己經歷既野多左, 大個左, 睇野的角度同以前有d唔同; 對好多事情, 好似學業, 工作, 家人, 朋友, 仲有...咁上下啦, 呢幾方面既睇法都有好大的不同, 點都好, 總括黎講我覺得自己都係變好左, 值得高興呀吓
不過今年一個好大的遺憾係同d老朋友聚得太少了, 雖然大家都忙但呢個的確唔應該係藉口, 如果返學都唔得閒返工真係唔駛旨意有得見, 所以拜託大家唔好剩係掛住拍拖, 得閒約出黎見下好喎(我岩岩先知一個同我由細玩到大既人, 中意左一個人8年), 其實都唔係剩係老朋友先係咁, 新既都應該得閒就keep住聚下, 不過最好唔好又飲酒了, 雖然飲大左大家真係會講多好多野, 但我都係覺得, 乖學生, 唔應該咁遲先返屋企係咪?
今年另一個好大的遺憾就係...咳...自己做過d唔好既野, 令到有d無辜既人受到傷害(hurt到朋友或者...咩都好), 或者帶俾佢地好多麻煩, 令佢地唔開心, 什至令佢地留眼淚, 我真係...好內疚, 我知講咩都冇用, 不過...真係要同佢地講聲對唔住, 亦都想多謝佢地, 因為從中我真係搵到好多開心的畫面, 最終friend返當然最好, 即使就算唔知咩原因friend唔返...雖然好可惜, 但我都會將大家之間美好既回憶好好咁收藏起黎, 無論將來點都好, 呢一part都會係我生命中好精彩的一頁, 逐個講比較麻煩, 總之妳知我係多謝妳嫁啦下!
最後, 老土d講返句, 新年快樂, 希望大家黎緊呢年會過得開心
Dear Bart & Daan,
I m NOT gonna tell you guys what do those
words above mean, just look for someone who's patient enough to do it for u
Happy New Year!
Shing |
